Sürüşmə sahəsində aktivlik davam edir

Sürüşmə sahəsində aktivlik  davam edir

Sürüşmə nəticəsində Badamdar qəsəbəsindən "20-ci sahə" istiqamətində yol bağlanıb

 

Badamdar, 20-ci sahə arasında olan magistral avtomobil yolunun sağ yamacındakı sürüşmə sahəsində aktivlik davam edir.

 

AYNA-nın məlumatına görə, Ekologiya və Təbii Sərvətlər Nazirliyinin Milli Geoloji Kəşfiyyat Xidmətinin Geoloji Planlama Ekspedisiyasının rəisi Əziz Qaralov bildirib ki, ilkin araşdırmaların nəticələrinə görə sürüşmənin məişət sularının torpağa axıdılması və atmosfer çöküntülərinin təsiri nəticəsində torpaq kütləsinin ağırlaşması səbəbindən baş verdiyi ehtimal olunur:

 

"Araşdırma və müşahidələr davam etdirilir".

 

Xatırladaq ki, bu gün səhər saatlarında Səbail rayonu, Badamdar qəsəbəsində, Badamdar şossesi ərazisində torpaq qatı yenidən sürüşüb. Torpaq sürüşməsinin eni 80, uzunluğu isə təxminən 100 metri əhatə edib.

 

Hadisə nəticəsində Badamdar qəsəbəsindən "20-ci sahə" istiqamətində yol bağlanıb.

 

Qeyd edək ki, ərazidə ilk sürüşmə faktı 2018-ci il oktyabrın 12-də baş vermişdi.

Müəllif: Ayna.az      9 Yanvar 2020 20:30
Hadisə bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin