Azərbaycana qış fəsli daxil olub

Azərbaycana qış fəsli daxil olub

Bu gündən etibarən Böyük çillə başlayır

 

Azərbaycana qış fəsli daxil olub. AYNA xəbər verir ki, qış fəsli dekabrın 22-si Bakı vaxtı ilə saat 08:19-da ölkəyə qədəm qoyub.

 

Bu gün Şimal yarımkürəsində ən uzun gecə, ən qısa gündüz, Cənub yarımkürəsində isə ən qısa gecə, ən uzun gündüz qeydə alınacaq.

 

Qış fəslinin gəlişi zamanı Günəş üfüqdən ən minimum nöqtədə olur. Günəş şüalarının istiqaməti ilə yerin fırlanma oxu ən böyük bucaq əmələ gətirir. Bu səbəbdən də bu fəsildə soyuq hava şəraiti müşahidə olunur.

 

Bu gecə həm də çillə gecəsidir. Bu gündən etibarən Böyük çillə başlayır və 40 gün davam edəcək.

 

Azərbaycanın bəzi bölgələrində Çillə gecəsinin ritualları unudulsa da, bəzi bölgələrdə hələ də insanlar toplanıb çillə mərasimləri keçirirlər.

Müəllif: Ayna.az      22 Dekabr 2019 09:30
Cəmiyyət bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin