İntihar edən məmurla bağlı yeni faktlar üzə çıxır - FOTOLAR

İntihar edən məmurla bağlı yeni faktlar üzə çıxır -     FOTOLAR

Onun doğum günü məclisində Həştərxan vilayətinin qubernatoru da iştirak edib

 

Xəbər verdiyimiz kimi, Nərimanov Rayon İcra Hakimiyyətinin (RİH) şöbə müdiri intihar edib. 1975-ci il təvəllüdlü Əlizadə Elmar Şamil oğlu yaşadığı evdə özünü asıb. Faktla bağlı Cinayət Məcəlləsinin 125-ci (özünü öldürmə həddinə çatdırma) maddəsi cinayət işi başlanıb. İş üzrə zəruri istintaq-əməliyyat tədbirləri davam etdirilir.

 

AYNA BakıPost-a istinadən xəbər verir ki, Əlizadə Elmar Şamil oğlu peşəkar kadr olub. O, əvvəllər Xarici İşlər Nazirliyində, Brüsseldə Azərbaycan Nümayəndəliyində çalışıb. Bir neçə dil bilən gənc diplomat qısa zamanda böyük uğurlar əldə etsə də, bu fəaliyyətini davam etdirə bilməyib, ailə vəziyyəti ilə əlaqədar Bakıya qayıdıb. Bundan sonra Nərimanov Rayon İcra Hakimiyyətində çalışıb.

İntihar etdiyi gün 41 yaşını qeyd edib. Ad gününü həm dostları, həm iş yoldaşları ilə birgə təmtəraqlı qarşılayıb. Hətta Bakıda rəsmi səfərdə olan Rusiyanın Həştərxan vilayətinin qubernatoru da onun ad gününə təşrif buyurub.

Qonaqları yola salandan sonra ailəsi ilə doğum günü tortunu kəsib. Məlumata görə, həmin gecə həyat yoldaşını və iki övladını bağa göndərib, sonra isə yaşadığı evdə intihar edib.

 

İlkin məlumata görə, intihar ailə münaqişəsi zəminində baş verib.

Müəllif: Ayna.az      16 Dekabr 2019 12:14
Hadisə bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin