Azərbaycan atleti dünya çempionatını yeddinci yerdə bitirdi

Azərbaycan atleti dünya çempionatını yeddinci yerdə bitirdi

Qətərin paytaxtı Dohada atletika üzrə dünya çempionatı davam edir

 

Mundialın ikinci günündə Azərbaycan millisinin daha bir idmançısı çıxışını başa vurub. AYNA xəbər verir ki, ölkəmizi Tokio-2020 Yay Olimpiya Oyunlarında təmsil edəcək Anna Skidan çəkicatma növü üzrə final mərhələsində mübarizə aparıb. Milliləşdirilmiş legioner 72,83 m nəticə ilə dünya çempionatını 7-ci yerdə bitirib. İlk pilləni isə 77,54 m göstərici ilə amerikalı Prays DeAnna tutub. 

 

Dünya çempionatında bir gün öncə üçtəkanla tullanma növündə Nazim Babayev də mübarizəni dayandırıb. Eyni növdə yarışan Aleks Kopello final mərhələsinə yüksəlib. Digər milliləşdirilmiş atlet Evans Kiplaqat isə marafonda çıxış edəcək. O, oktyabrın 6-da start xəttinə çıxacaq. 

 

Qeyd edək ki, A. Skidan təsnifat mərhələsində 73,32 m nəticə göstərmişdi.  

 

Müəllif: Ayna.az      29 Sentyabr 2019 02:29
İdman bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin