Əsas səhifə Haqqımızda Xəbər lenti

Azərbaycanda kart məlumatlarının oğurlanması ilə bağlı XƏBƏRDARLIQ

Azərbaycanda kart məlumatlarının oğurlanması ilə bağlı     XƏBƏRDARLIQ

Dələduzlar bankların loqo və adından istifadə edərək oxşar saytlar yaradırlar

 

Dələduzlar bank kartlarının məlumatlarını ələ keçirmək məqsədi ilə bankların loqo və adından istifadə edərək oxşar saytlar yaradırlar. AYNA-nın xəbərinə görə, xüsusi Rabitə və İnformasiya Təhlükəsizliyi Dövlət Xidmətinin Kompüter İnsidentlərinə qarşı Mübarizə Mərkəzindən verilən məlumata görə, onlayn ödənişlər həyata keçirdikdə istifadəçilər daxil olduqları saytın rəsmi sayt olduğuna diqqət yetirməlidirlər.

 

Aşkar olunan saxta saytlara nümunə olaraq kapitalaze.com saytını qeyd etmək olar.

 

Mərkəz kart məlumatlarının oğurlanmasının qarşısını almaq üçün bir neçə məqama diqqət yetirməyi tövsiyə edir.

 

İlk növbədə heç bir halda kartın arxa tərəfində qeyd olunan CVV kodu kənar şəxslərə bildirilməməlidir. Belə ki, bu məlumat heç bank işçisi tərəfindən soruşulmur.

 

CVV kod ancaq onlayn ödəniş etmək və ya balansdan başqa karta pul göndərmək üçün istifadə olunur.

 

İstifadəçinin kartına pul göndərilirsə, bu halda göndərən tərəfə pulu qəbul edənin CVV kodu tələb olunmur. 

 

Həmçinin telefona gələn dörd rəqəmli OTP kod kənar şəxslərə bildirilməməlidir. OTP kod göndərilən SMS-də xərcin təyinatı və xərclənəcək məbləğ barədə məlumat olur. Bu məlumatlara diqqət yetirilməlidir.

Müəllif: Ayna.az      17 Yanvar 2021 11:06
Xəbərlər bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin