Əsas səhifə Haqqımızda Xəbər lenti

Avtomobillərin gün ərzində təkrar cərimələnməsi ləğv edilir

Avtomobillərin gün ərzində təkrar cərimələnməsi ləğv edilir

İnzibati Xətalar Məcəlləsinə dəyişiklik təklif olunub

 

Dayanma və durma qaydalarının pozulmasına görə cərimənin tətbiq edilməsi qaydası dəyişir. AYNA xəbər verir ki, bununla bağlı İnzibati Xətalar Məcəlləsinə dəyişiklik təklif edilir.

 

Dəyişikliyə əsasən, şəxs dayanma və ya durma qaydalarının pozulmasına  görə gün ərzində təkrar inzibati məsuliyyətə cəlb oluna bilməz.

 

Qeyd edək ki, dayanma və ya durma qaydalarını pozmağa görə iyirmi manat məbləğində cərimə edilir.

 

Ümumi istifadədə olan nəqliyyat vasitələrinin dayanacaq meydançasında və ya 5.12, 5.13 yol nişanlarından 15 metrdən az yaxınlıqda digər nəqliyyat vasitələrinin dayanmasına və ya durmasına görə qırx manat məbləğində cərimə edilir.

 

Ümumi istifadədə olan nəqliyyat vasitəsini sərnişinləri mindirmək və ya düşürtmək üçün bu məqsədlə xüsusi olaraq müəyyən edilmiş dayanacaq meydançalarından və ya 5.12, 5.13 nişanları ilə işarələnmiş dayanacaq yerlərindən kənarda dayandırmağa görə yüz manat məbləğində cərimə edilir.

 

Müəllif: Ayna.az      22 Yanvar 2021 14:18
Xəbərlər bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin