Əsas səhifə Haqqımızda Xəbər lenti

Sürücü körpünü uçurtdu, mağazaları yararsız hala saldı

Sürücü körpünü uçurtdu, mağazaları yararsız hala saldı

Yol infrastrukturuna, avtomobilə və mağazalara ciddi ziyan dəyib

 

Cəlilabad rayonunda yol qəzası olub. AYNA "Report"-a istinadən xəbər verir ki, hadisə köhnə Ələt-Astara magistral yolunun rayonun Alar kəndindən keçən hissəsində qeydə alınıb.

 

Belə ki, yüksək sürətlə hərəkətdə olan "Ford" markalı avtomobil idarəetmədən çıxaraq "İncə" çayının üzərindəki körpünün dəmir məhəccərlərini qoparıb və körpünün bir hissəsi uçub. Daha sonra avtomobil yolun kənarındakı iki mağazaya çırpılıb.

 

Hadisə nəticəsində xəsarət alan olmasa da yol infrastrukturuna, avtomobilə və mağazalara ciddi ziyan dəyib.

 

İlkin ehtimala görə, qəzaya səbəb sürücünün avtomobili sərxoş vəziyyətdə idarə etməsi olub.

 

Eyni zamanda, sürücünün gün ərzində daha bir yol qəzası törətdiyi də müəyyən olunub. O, bu hadisədən bir neçə saat əvvəl idarə etdiyi "Ford" maşınının rayon mərkəzində VAZ 2106 markalı avtomobil ilə toqquşduğunu da etiraf edib.

 

Faktla bağlı araşdırma aparılır.

Müəllif: Ayna.az      17 Avqust 2019 08:13
Hadisə bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin