Makkarti: "Sabah oyandığınız zaman biz çoxluqda olacağıq”
ABŞ Nümayəndələr Palatasının Respublikaçılar Partiyasındanolan lideri Kevin Makkarti Kaliforniyadan yenidən seçilib. AYNA-nın məlumatına görə, CNN xəbər verir ki, Nümayəndələr Palatasının hazırkı tərkibində o, respublikaçı azlığın lideridir.
Makkarti artıq respublikaçıların Nümayəndələr Palatasına nəzarəti bərpa edəcəyinə əmin olduğunu bildirib: "Sabah oyandığınız zaman biz çoxluqda olacağıq və Nensi Pelosi azlıqda olacaq".
Partiya cari seçkilərdə çoxluğu qazanarsa, Respublikaçı Partiyanın lideri Nümayəndələr Palatasının yeni spikeri ola bilər.
Yeni komanda 2023-cü ilin yanvarından işə başlayacaq. NBC-nin proqnozlarına görə, Respublikaçılar Partiyası Nümayəndələr Palatasına nəzarəti ələ keçirəcək. Yekun hesablamalar hələ yekunlaşdırılmayıb.