Ötən il ölkədə 63084 ton balıq ovlanıb

Ötən il ölkədə 63084 ton balıq ovlanıb

2019-cu ildə balıqçılar tərəfindən kvota üçün 101,6 min manat ödənilib

 

Balıq və digər su bioloji resurslarından istifadə qaydalarına müvafiq olaraq, ölkədə 2019-cu ildə 151 hüquqi və fiziki şəxsə balıq və digər su bioloji resurslarının ovu üçün verilmiş 1185,8 ton kvotaya qarşı 1176,6 ton və ya 2018-ci illə müqayisədə 27,1 faiz az balıq ovlanıb.

 

Bu barədə AYNA-ya Dövlət Statistika Komitəsinin (DSK) mətbuat xidmətindən məlumat verilib. Ovlanmış balığın 694,0 tonu kilkə, 105,7 tonu kütüm, 81,3 tonu siyənək, 69,9 tonu kefal, 59,7 tonu külmə, 40,8 tonu çapaq, 45,4 tonu çəki, 20,0 tonu dabanbalığı, 10,0 tonu sıf, 8,2 tonu şamayı, 5,0 tonu naxa, 3,4 tonu qarasol, 2,0 tonu xəşəm, 31,2 tonu digər balıq növlərinin payına düşüb.

 

“2019-cu ildə balıqçılar tərəfindən kvota üçün 101,6 min manat ödənilib. Kvota üzrə ovlanmış balıq da nəzərə alınmaqla hüquqi və fiziki şəxslər tərəfindən ümumilikdə 2019-cu ildə ilkin məlumata görə 63084 ton balıq ovlanıb ki, bu da 2018-ci ildəkindən 1,9 faiz çoxdur”, - deyə Komitədən qeyd olunub.

Müəllif: Ayna.az      11 Fevral 2020 14:13
Cəmiyyət bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin