Əsas səhifə Haqqımızda Xəbər lenti

Vaşinqtondan Tehrana: Əlini İraqdan çək

Vaşinqtondan Tehrana: Əlini İraqdan çək

ABŞ İraqdakı qarşıdurmalardan narahatdır: Nümayişlərin vəhşicəsinə dağıdılması beynəlxalq hüquq normalarına ziddir

 

ABŞ İraqdakı etirazlarla bağlı narahatlığını yenidən gündəmə gətirib. AYNA ərəb mətbuatına istinadən xəbər verir ki, Ağ Ev İraq hökumətini şiddətə son verməyə çağırıb.

 

“İraq hökumətinin dinc nümayişləri vəhşicəsinə dağıtması və etirazlara görə ölkədə interneti qadağan etməsi beynəlxalq hüquq normalarına uyğun deyil”, - deyə Vaşinqtondan bildirilib.

 

Bundan əlavə, Ağ Ev İraq hökumətini erkən seçkilər keçirməyə, beynəlxalq ictimaiyyəti isə İraq xalqının gələcəyi üçün susmamağa çağırıb.

 

Eyni zamanda, ABŞ İraqda baş verənlərdən dolayı İranı ittiham etməyi də unutmayıb. Belə ki, rəsmi Vaşinqton İranın İraq hökumətinə təsir etdiyini və İraqda daxili sabitliyi pozmağa çalışdığını bəyan edib. ABŞ hökuməti Tehrandan əməlindən çəkinməyi tələb edib.

 

Qeyd edək ki, oktyabrın 4-dən etibarən İraqda hökumət əleyhinə kütləvi etirazlar başlayıb. Proses ciddi qarşıdurmalara çevrilib, aksiyaçılara qarşı polis güc tətbiq edir.

Müəllif: Ayna.az      11 Noyabr 2019 12:27
Dünya bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin