ÜST koronavirusla bağlı son vəziyyəti açıqlayıb

ÜST koronavirusla bağlı son vəziyyəti açıqlayıb

Şimali və Cənubi Amerika yoluxmaların sayı üzrə birinci yerdədir

 

Dünyada yeni növ koronavirus (COVID-19) infeksiyasına yoluxanların sayı artıb.

 

AYNA xəbər verir ki, bu barədə Ümumdünya Səhiyyə Təşkilatı (ÜST) bildirib.

 

Belə ki, son 24 saatda dünyada koronavirusa 284 mindən çox yeni yoluxma təsdiqlənib, bununla da koronavirusa yoluxanların ümumi sayı 19,1 milyon nəfəri ötüb.

 

Təşkilatın məlumatına görə, dünyada koronavirusdan ölüm hallarının sayı son gün ərzində 6 mindən çox artıb və 716 mini ötüb.

 

Qeyd edilir ki, dünyada COVID-19-a ümumilikdə 19 187 943 yoluxma, 716 075 ölüm qeydə alınıb. Son bir gündə yeni yoluxmaların sayı 284 441 təşkil edib, bununla yanaşı, daha 6 565 insan pandemiyanın qurbanı olub.

 

Şimali və Cənubi Amerika yoluxmaların sayı üzrə birinci yerdədir. Bu qitədə koronavirusa 10 290 444 yoluxma aşkarlanıb. Bir gün ərzində artım göstəricisi 155 122 təşkil edib.

 

Avropa regionunda 3 545 395 yoluxma, 216 097 ölüm qeydə alınıb. Son 24 saatda 31 409 yoluxma qeydə alınıb, 458 insan ölüb.

Müəllif: Ayna.az      9 Avqust 2020 01:52
Dünya bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin