Almaniya Bundesliqasının son iştirakçısı bilinib

Almaniya Bundesliqasının son iştirakçısı bilinib

"Arminiya" və "Ştutqart" da elitada iştirak hüququ əldə edib

 

Almaniya Bundesliqasında 2020/21 mövsümündə iştirak edəcək son klubun adına aydınlıq gəlib.

 

AYNA-nın Apasport.az-a istinadən  məlumatına görə, Bundesliqaya vəsiqə uğrunda pley-offun cavab oyunu keçirilib.

 

Elitanı 16-cı pillədə başa vuran "Verder" Bundesliqa II-də 3-cü yeri tutan "Heydenheym"ə səfərdə qollu bərabərliyə imza ataraq, Bundesliqada qalmağı bacarıb. Bu komandalar arasında Bremendəki ilk matçda qolsuz heç-heçə qeydə alınıb. "Verder" məhz səfər qolları sayəsində yüksək dəstədə qalıb.

 

Qeyd edək ki, Bundesliqa II-də ilk iki yeri tutan "Arminiya" və "Ştutqart" da elitada iştirak hüququ əldə edib. Bundesliqada mövsümü son yerlərdə bitirən "Fortuna" ilə "Paderborn" isə aşağı liqaya yuvarlanıb.

 

Almaniya Bundesliqası
Elitaya vəsiqə uğrunda pley-off, cavab oyunu
6 iyul
"Heydenheym" - "Verder" - 2:2
Kleyndienst, 85, 90+7 (pen.) - Terekauf, 4 (avtoqol); Auqustinsson, 90+4

Müəllif: Ayna.az      7 İyul 2020 02:29
İdman bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin