Maskın təyin edilmiş təhlükəsizlik işçilərinin bir qismi federal əsaslarla silah gəzdirə biləcəklər
ABŞ Marşal Xidməti ABŞ Hökumətin Səmərəliliyi Departamentinin (DOGE) rəhbəri və iş adamı İlon Maskın şəxsi mühafizəsini gücləndirib. AYNA xəbər verir ki, bu barədə CNN mənbələrə istinadən məlumat yayıb.
Qeyd edilir ki, indi Maskın təyin edilmiş təhlükəsizlik işçilərinin bir qismi federal əsaslarla silah gəzdirə biləcəklər. Bu halda, xidmət onlarla bağlı hər hansı pozuntuya görə məsuliyyət daşıya bilərlər.
Telekanalın məlumatına görə, Mask DOGE rəhbəri təyin olunandan sonra çoxlu təhdidlər alıb. Təhlükəsizlik də bu səbəbdən gücləndirilib.
Mənbələrin bildirdiyinə görə, ABŞ rəsmiləri Mask Ağ Evə müntəzəm səfər etməyə başladıqdan sonra onu əhatə edən təhlükəsizlik miqyasından heyrətə gəliblər. Mənbələr bildiriblər ki, onun müdafiəsinin təfərrüatları yalnız Prezidentin təhlükəsizliyi ilə müqayisə edilə bilər.