Aktual qlobal və regional problemlər müzakirə edilib
Rusiya Prezidenti Vladimir Putin və ABŞ Prezidenti Cozef Bayden arasında telefon danışığı baş tutub.
AYNA-nın məlumatına görə, bu barədə Ağ Ev məlumat verib.
Telefon danışığı 50 dəqiqə davam edib.
Mətbuata qapalı rejimdə baş tutan söhbət zamanı ikitərəfli münasibətlərin müxtəlif aspektləri, həmçinin aktual qlobal və regional problemlər müzakirə edilib.
Qeyd edək ki, liderlər arasında sonuncu görüş dekabrın 7-də videokonfrans formatında olub və iki saatdan artıq davam edib.