Əsas səhifə Haqqımızda Xəbər lenti

SOCAR dənizdəki işçilərini təxliyyə etdi

SOCAR dənizdəki işçilərini təxliyyə etdi

“Dəniz platformalarında və estakadalarda açıq sahələrdə aparılan işlər dayandırılıb"

 

Azərbaycan Dövlət Neft Şirkəti (SOCAR) bu gün axşam saatlarından etibarən ölkədə hava şəraitinin kəskinləşəcəyi proqnozu ilə əlaqədar işçilərini təxliyyə edib.

 

AYNA xəbər verir ki, bu barədə SOCAR-ın İctimaiyyətlə əlaqələr və tədbirlərin təşkili idarəsinin rəis müavini İbrahim Əhmədov deyib.

 

Onun sözlərinə görə, SOCAR-ın dənizdə işləyən təxminən 1 000-ə yaxın işçisi sahilə təxliyyə edilib:

 

“Dəniz platformalarında və estakadalarda açıq sahələrdə aparılan işlər dayandırılıb. Bütün təhlükəsizlik tədbirləri maksimum dərəcədə gücləndirilib. Dəniz platformaları ətrafında FHN-nin gəmiləri də daxil olmaqla, mütəmadi növbətçilik həyata keçirilir. Hava şəraiti normallaşdıqdan sonra işçilərin iş yerlərinə qaytarılması təmin ediləcək”.

Müəllif: Ayna.az      7 Fevral 2020 23:49
Cəmiyyət bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin