Tarixdə bu gün hansı hadisələrlə yadda qalıb?

Tarixdə bu gün hansı hadisələrlə yadda qalıb?

Rusiya imperiyasının dağılmasından tutmuş, Türkiyənin Somaliyə qoşun göndərməsinədək...

 

Bu gün yeni miladi təqvimin ikinci günüdür. Bəs bu gün tarixdə hansı hadisələr baş verib? Yanvarın 2-də dünyaya gələn və həyatını itirən məşhur şəxslər kimlərdir?

 

AYNA yanvarın 2-də tarixdə baş verən önəmli hadisələri təqdim edir.

 

1905-ci il 2 yanvar: Rus-yapon müharibəsi zamanı Çindəki rus hərbi bazası olan Port Artur Yaponiya donanmasına təslim olur. Bu hadisə Rusiya imperiyasının dağılmasına və 1905-ci il inqilabının başlamasına gətirib çıxarır.

 

1935-ci il 2 yanvar: Türkiyədə soyad qanunu qüvvəyə minir.

 

1943-cü il 2 yanvar: Dünya şöhrətli türkiyəli bəstəkar və müğənni Barış Manço anadan olur.

 

1959-cu il 2 yanvar: SSRİ-də “Luna 1” kosmik gəmisi fəaliyyətə başlayır. “Luna 1” Ayın hüdudlarına çatan və Günəşin orbitinə yaxınlaşan ilk kosmik gəmi kimi yadda qalır.

 

1975-ci il 2 yanvar: Dünya şöhrətli aktyor Çarli Çaplinə Böyük Britaniya kraliçası tərəfindən “Cəngavər” status verilir.

 

1979-cu il 2 yanvar: Türkiyə və Amerika arxeoloqlarının beş illik ortaq araşdırmaları nəticəsində, Egey dənizində İslam dininə aid ilk dağıntılar tapılır.

 

1985-ci il 2 yanvar: ABŞ rəsmi olaraq BMT-nin təhsil, elm və mədəniyyət təşkilatını (UNESCO) tərk edir.

 

1992-ci il 2 yanvar: Türkiyə Silahlı Qüvvələri BMT-nin çağırışı nəticəsində, 43 il sonra ikinci dəfə xarici bir ölkənin ərazisinə (Somali) daxil olur.

Müəllif: Ayna.az      2 Yanvar 2020 17:55
Dünya bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin