"NATO-nun terrorçuları dəstəkləməsi bölgə üçün ağır nəticələrə səbəb olacaq"

"NATO-nun terrorçuları dəstəkləməsi bölgə üçün ağır nəticələrə səbəb olacaq"

Altun: “Ölkəmizin NATO müttəfiqlərindən əsas gözləntisi terrorla mübarizədə Türkiyənin yanında olmalarıdır”

 

Türkiyə Prezident Administrasiyasının İçtimaiyyətlə Əlaqələr İdarəsinin rəhbəri Fəxrəddin Altun Londonda təşkil ediləcək NATO Sammiti ilə bağlı "Daily Sabah"a verdiyi şərhdə Türkiyənin NATO müttəfiqlərindən əsas gözləntisinin terrorla mübarizədə ölkənin yanında olmaları olduğunu bildirib.

 

AYNA xəbər verir ki, Türkiyənin ittifaq içərisində aparıcı rol oynadığını vurğulayan F.Altun belə deyib: “Ölkəmizin NATO müttəfiqlərindən əsas gözləntisi terrorla mübarizədə Türkiyənin yanında olmalarıdır. NATO ittifaqının məqsədinə və ruhuna uyğun olmayan çıxışlar üzv dövlətlərin münasibətlərinə xələl gətirir. Bu gün Türkiyə terror təhdidləriylə mübarizə apararken NATO müttəfiqlərinin ittifaq ruhu ilə üst-üstə düşməyən açıqlamaları Türk cəmiyyətini də məyus edir”. 

Image result for fahreddin altun

NATO üzvü olan bəzi ölkələrin Türkiyənin Suriya əməliyyatı ilə bağlı açıqlamalarına gəldikdə, Altun qeyd edib ki, Türkiyənin Suriyada reallaşdırdığı əməliyyatın məqsədi sərhədlərində yaradılmağa çalışılan terror dəhlizini yox etməkdir: “Türkiyənin Suriyada və ya başqa hər hansı bir ölkədə heç bir gizli gündəmi yoxdur. YPG-nin PKK terror təşkilatının Suriyadakı qolu olması NATO üzvü olan ölkələr üçün sirr deyil. Bu ölkələr İŞİD terror təşkilatını məğlub etmək məqsədilə başqa bir terror qruplaşması olan YPG/PKK-nın dəstəklənməsinin bölgə üçün ağır nəticələrə səbəb olacağını başa düşməlidirlər”.

Müəllif: Ayna.az      2 Dekabr 2019 13:26
Dünya bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin