“Şahlar Əsgərov qaldı kənarda, Murad Dadaşovu qabağa çəkdilər” – ETİRAZ

“Şahlar Əsgərov qaldı kənarda, Murad Dadaşovu qabağa çəkdilər” –     ETİRAZ

Etibar Əliyev: “Kimsə mənə dedi ki, təhsili artıq məzhəkəyə çeviriblər, onun dediyi təsdiqini tapdı”

 

Dünən Təhsil Nazirliyinin təşkilatçılığı ilə Respublika Fənn Olimpiadaları qaliblərinin mükafatlandırma mərasimi keçirilib. AYNA xəbər verir ki, tədbirdə iştirak edən təhsil eksperti Etibar Əliyev mükafatlandırma mərasimi haqqında fikirlərini sosial şəbəkədə bölüşüb.

O, şoumen Murad Dadaşovun tədbirdə mükafat təqdim etməsinə etirazını bildirib: “Deputatların, rektorların, təhsil ekspertlərinin dəvət olunduqları tədbirə şoumen Murad Dadaşov da dəvət olunmuşdu. Kimsə mənə dedi ki, təhsili artıq məzhəkəyə çeviriblər. Onun dediyi təsdiqini tapdı. Təhsil eksperti Murad Dadaşovu şagirdlərə medalları vermək üçün səhnəyə dəvət etdilər, ancaq professor, Əməkdar elm xadimi, professor Şahlar Əsgərovu dəvət etmədilər”.

 

“Gerizəkalılığa diqqət edin: ən azından fizika üzrə qalibləri (bürünc medal olsa da olardı) fizika-riyaziyyat elmləri doktoru, əsl müəllim Şahlar Əsgərovun təltif etməsi şagirdlərin də yaddaşına həkk olunardı. Bunun üçün Harvardı oxumaq lazım deyil. Azca şüurlu olmaq lazımdır. 20-30 medalı təhsil dahisi Emin Əmrullayev verməkdənsə, tədbirə dəvət olunmuş ictimaiyyətin tanınmış nümayəndələri də nəzərə alınmalı idi” – deyə E.Əliyev yazıb.

 

“Tədbir iştirakçıları fürsətdən istifadə edib Nazirliyin Aparat rəhbəti Muxtarı (familiyasını bilmirəm) da görmək şərəfinə nail oldular. Muxtar nazir müavini İdris İsayevin payına düşən medalları da verdi. Bütün bu məzhəkələr şagird uğurlarına kölgə sala bilməzdi, qalibləri səmimi qəlbdən təbrik edirəm” – ekspert vurğulayıb.

Müəllif: Ayna.az      20 İyun 2019 12:19
Cəmiyyət bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin