Əsas səhifə Haqqımızda Xəbər lenti

Türkiyə yığması Xorvatiya ilə heç-heçə oynayıb

Türkiyə yığması Xorvatiya ilə heç-heçə oynayıb

Qarşılaşma məhsuldarlığı ilə diqqət çəkib

 

Türkiyə millisi yoldaşlıq oyunu keçirib. AYNA-nın Apasport.az-a istinadən məlumatına görə, Millətlər Liqasının son iki matçına hazırlaşan qardaş ölkə təmsilçisi Xorvatiya ilə üz-üzə gəlib.

 

“Ay-ulduzlular”ın son dünya çempionatının gümüş mükafatçısı ilə görüşü İstanbuldakı “Vodafon Park”da baş tutub. Qarşılaşma məhsuldarlığı ilə diqqət çəkib.

 

Cenk Tosunun penaltidən hesabı açdığı oyunda qonaqlara bərabərlik qolu üçün 9 dəqiqə lazım gəlib. Amma fasilə ərəfəsində Dəniz Turucun fərqlənməsi ilə Şenol Günəşin yetirmələri yenidən önə çıxıblar.

 

İkinci yarıda 6 dəqiqə ərzində üç qol qeydə alınıb. Ardıcıl iki dəfə qol sevinci yaşayan dünya vitse-çempionları üstün duruma düşüb. Cengiz Ündərin mükəmməl zərbəsindən sonra növbəti dəfə tarazlıq yaranıb – 3:3.

 

Qeyd edək ki, türkiyəlilər Millətlər Liqasının son iki turunda Rusiya ilə ev, Macarıstanla səfər matçına çıxacaq.

 

Yoldaşlıq oyunu

 

11 noyabr

 

Türkiyə - Xorvatiya – 3:3

 

Tosun, 23 (pen.), Turuc, 41, Ündər, 58 – Budimir, 32, Paşaliç, 53, Brekalo, 56

Müəllif: Ayna.az      12 Noyabr 2020 03:55
İdman bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin