Muəllif:

«Patriot» gəlir

Almaniyanın Türkiyəyə ayırdığı iki “Patriot” zenit raket kompleksi ölkənin cənub-şərqində, Suriya sərhədindən 100 kilometr aralıda yerləşdiriləcək. APA-nın “İTAR-TASS”a istinadən verdiyi xəbərə görə, bu barədə bu gün Almaniyanın XİN-in dövlət naziri Mixael Link bəyan edib.

Link qeyd edib ki, böyük ehtimalla, raketlər Türkiyənin Qəhrəmanmaraş şəhərinin yaxınlığında yerləşdiriləcək. Türkiyənin cənub-şərqində yerləşən, 430 min əhalisi olan bu şəhər ölkənin toxuculuq sənayesinin mərkəzi sayılır.

Almaniyanın müdafiə naziri Tomas de Mezyer Bundestaqda çıxışı zaman qeyd edib ki, Patriot sistemlərini Türkiyədə yerləşdirməkdə məqsəd Suriya münaqişəsinin bu ölkəyə yayılmasının qarşısını almaqdan ibarətdir.

“Suriyanın Türkiyənin əksər hissəsini əhatə edən ərazisində hər hansı hədəfə zərbə endirməyə qadir raketləri var”, deyə nazir qeyd edib. Nazir əlavə edib ki, bu raketlər kimyəvi silahla da təchiz edilə bilər.

Tomas de Mezyer qeyd edib ki, “Patriot” sistemlərini Türkiyədə yerləşdirilməsi ilə bağlı mandat heçdə Suriyada uçuşdan azad zona yaradılmasını nəzərdə tutmur. “Onların istifadəsi Türkiyə ərazisi ilə məhdudlaşır”, — deyə nazir vurğulayıb.

Qeyd edək ki, NATO Şurası dekabrın 4-də “Patriot” sistemlərini Türkiyədə yerləşdirməsinə razılıq verib. Suriya bu qərarı pisləyib.

Звёзд: 1Звёзд: 2Звёзд: 3Звёзд: 4Звёзд: 5Звёзд: 6Звёзд: 7Звёзд: 8Звёзд: 9Звёзд: 10
Oxunma sayı: 82