Toidze Gürcüstanın keçmiş Prezidentinin xaricə müalicəyə göndərilməsini tələb edib
Gürcüstanın keçmiş Prezidenti Mixail Saakaşvilinin xaricdə psixiatrik müalicəyə və reabilitasiyaya ehtiyacı var. AYNA gürcü mediasına istinadən bildirir ki, bu barədə Gürcüstanın Ombudsmanı yanında yaradılmış Həkimlər Şurasının üzvü, nevroloq Otar Toidze deyib.
“Saakaşvilinin nevroloji vəziyyəti xəstəliyinin önündə gedir. Stabil problemlər hərəkət, koordinasiya, xarakter dəyişkənliyi ilə bağlı problemlərdir”, - deyən mütəxəssis bunun normativ çərçivədən kənara çıxmadığını və indi sabiq Prezidentin xüsusi reabilitasiyaya göndərilməli olduğunu qeyd edib.