"Heqset səlahiyyətlərindən sui-istifadə edib. O, milli təhlükəsizliyimizi sarsıdıb”
ABŞ Nümayəndələr Palatası müdafiə naziri Pit Heqsetin vəzifədə olduğu müddətdə etdiyi qanun pozuntularına və İrana qarşı müharibə zamanı etdiyi hərəkətlərə görə impiçment qətnaməsini rədd edib. AYNA.AZ xarici mediaya istinadən xəbər verir ki, Pentaqon rəhbərinin əleyhdarları yeni təqvim ilində, Konqresin son aralıq seçkilərdən sonra Demokrat Partiyasının lehinə köklü şəkildə yenidən qurulacağı zaman cəhdlərini davam etdirmək üçün yaxşı şansa malikdirlər.
Nümayəndələr Palatasında demokratların azlıq lideri Hakim Ceffris Heqsetin istefasını tələb etməyə hazır olduğunu təsdiqləyib. Ceffrisin partiyası çoxluğu qazandıqdan sonra 2027-ci ilin yanvar ayında Nümayəndələr Palatasının yeni spikeri olacağı gözlənilir.
"Heqset səlahiyyətlərindən sui-istifadə edib. O, milli təhlükəsizliyimizi sarsıdıb. O, İrandakı bu mənasız və baha başa gələn müharibənin memarıdır", - demokrat bildirib.
10 noyabrda keçirilən impiçment cəhdi Heqset tərəfdarlarının prosedur qələbəsi ilə nəticələnib. Konqres üzvlərinin əksəriyyəti (211-ə qarşı 204) impiçment qətnaməsinin Nümayəndələr Palatasının Məhkəmə Komitəsinə göndərilməsinə səs verib. Heqset qətnamənin müəllifi Tomas Massie istisna olmaqla, demək olar ki, bütün respublikaçılar tərəfindən dəstəklənib. 11 demokrat isə səsvermədə iştirak etmədi və ya bitərəf qalıb.
Heqseti daim müdafiə edən Prezident Donald Tramp sosial mediada impiçment cəhdinin "uğursuz başa çatdığını" bildirib və müdafiə nazirini "böyük Amerika vətənpərvəri" adlandırıb. Hesab olunur ki, Trampın mövqeyi əksər respublikaçıların Heqsetin istefasını dəstəkləməsinə mane olur.
Bu arada, “Bloomberg” və “Financial Times” noyabrın əvvəlində xəbər vermişdilər ki, Prezident gizlicə İrandakı uğursuz müharibə və onun iqtisadi nəticələri üçün “günah keçisi” axtarır. Ağ Evdə populyar olmayan və Konqres üzvləri arasında olduqca mübahisəli olan Heqset bu rol üçün ehtimal olunan namizədlərdən biri kimi göstərilir.