"Kraliçanın irsi Britaniya və dünya tarixində görkəmli yer tutacaq"
ABŞ Prezidenti Cozef Bayden və xanımı Cil Bayden Böyük Britaniya kraliçasının vəfatı ilə bağlı birgə başsağlığı yayıblar.
AYNA xəbər verir ki, bu barədə Ağ Evin mətbuat xidməti məlumat yayıb.
"II Elizabet sadəcə Britaniya monarxı deyildi, o, bir dövrü müəyyənləşdirdi. Kraliçanın irsi Britaniya və dünya tarixində görkəmli yer tutacaq", - başsağlığıda deyilir.
Xatırladaq ki, Böyük Britaniya və Şimali İrlandiyanın Kraliçası Ülyahəzrət II Elizabet sentyabrın 8-də 96 yaşında Şotlandiyanın Balmoral qalasında vəfat edib.