Yaponiya və Ukrayna kəşfiyyat sahəsində əməkdaşlıq haqqında saziş imzalayacaq
Yaponiya və Ukrayna kəşfiyyat, eləcə də məxfi məlumatların mühafizəsi sahəsində əməkdaşlıq etməyi planlaşdırır. AYNA xarici mediaya istinadən bildirir ki, bu barədə Yaponiyanın Xarici İşlər Nazirliyinin (XİN) dərc etdiyi sənəd layihəsində deyilir.
Razılaşmalara əsasən, Yaponiya Ukraynaya qeyri-öldürücü avadanlıq tədarükünü davam etdirəcək, hərbçiləri müalicə edəcək və digər yardımlar göstərəcək. Tərəflər kibertəhlükəsizlik sahəsində də əməkdaşlıq etmək niyyətindədirlər.
“Tərəflər tərəflər arasında mübadilə edilən məxfi məlumatların qarşılıqlı qorunması, habelə tərəflərin müvafiq idarələri arasında məlumat mübadiləsini genişləndirmək və asanlaşdırmaq məqsədi ilə Yaponiya və Ukrayna arasında informasiya təhlükəsizliyi haqqında saziş bağlamaq niyyətindədirlər”, sənəddə qeyd olunub.
Əvvəllər Ukrayna Roma Statutunu ratifikasiya etməyi və bununla da Yaponiya ilə qəbul edilmiş təhlükəsizlik sazişində Beynəlxalq Cinayət Məhkəməsinin yurisdiksiyasını tanımağa söz vermişdi.