Universitetin nəzdində Təcili tibbi yardım kafedrası yaradılıb
Gələn ildən Azərbaycan Tibb Universitetinin tələbələrinə təcili tibbi yardım fənni tədris ediləcək.
AYNA xəbər verir ki, bu barədə Tibb Universitetinin rektoru Gəray Gəraybəyli deyib.
Onun sözlərinə görə, təcili yardım sisteminin təkmilləşdirilməsi məqsədilə bir çox addımlar atılıb: "Bu addımlarda universitet rəhbərliyi də geniş iştirak edir. Bu məqsədlə Tibb Universiteti nəzdində Təcili tibbi yardım kafedrası yaradılıb".