Xəsarət alan və saxlanılanlar var
Polis Tbilisidə parlament binasının qarşısında keçirilən etiraz aksiyasına müdaxilə edib.
AYNA APA-ya istinadən xəbər verir ki, xüsusi təyinatlı qüvvələr su şırnağı, gözyaşardıcı və bibər qazından istifadə edərək Parlament binasının girişlərinin yerləşdiyi küçələri, eləcə də Rustaveli prospektini etirazçılardan təmizləyib.
Polislə qarşıdurma zamanı parlament binasının pəncərələrini sındıran etirazçılar ərazidəki polis maşınını aşırıblar.
Xəsarət alan və saxlanılanlar var.
Aksiya zamanı etirazçılarla hökumətyönümlü "İmedi" telekanalının əməkdaşları arasında fiziki qarşıdurma da baş verib.