Roma Papası Ukrayna ətrafındakı vəziyyətlə əlaqədar Sülh üçün dua günü keçirilməsini təklif edib
AYNA TASS İnformasiya Agentliyinə istinadən xəbər verir ki, Roma Papası Fransisk Müqəddəs Pyotr meydanında dindarlar qarşısında ənənəvi bazar xütbəsi zamanı Ukrayna ətrafındakı vəziyyətlə əlaqədar Sülh üçün dua günü keçirilməsini təklif edib: “Mən Ukraynada sülhə yeni zərbə vurmaq təhlükəsi yaradan və Avropa qitəsinin təhlükəsizliyini şübhə altına alan gərginliyin artmasını böyük narahatlıqla izləyirəm. Vəziyyəti nəzərə alaraq, yanvarın 26-da Ukrayna ətrafındakı vəziyyətlə əlaqədar Sülh üçün dua günü keçirilməsini təklif edirəm”.