Qəzada xəsarət alan şəxslər xəstəxanaya çatdırılıb
Şəkidə yol qəzası baş verib. AYNA-nın APA-ya istinadən məlumatına görə, hadisə axaşam saatlarında Şəki-Qax avtomobil yolunda, Qoxmuq kəndi ərazisində qeydə alınıb.
Hərəkətdə olan "Mercedes" və "Hyundai" markalı minik avtomobillərinin toqquşması nəticəsində 5 nəfər müxtəlif dərəcəli bədən xəsarətləri alıb. Xəsarət alanlar Şəki Rayon Mərkəzi Xəstəxanasına (RMX) çatdırılıblar. Onlardan biri - 1949-cu il təvəllüdli Çingiz Kamal oğlu Səmədovun müalicəsi xəstəxanada davam etdirilir. Digərlərinin xəsarətləri yüngül olduğundan onlara tibbi yardım göstərildikdən sonra evə buraxılıblar.
Faktla bağlı araşdırma aparılır.