Qatar 232 sərnişini daşıyan 14 vaqondan ibarət olub
Rusiyanın Komi Respublikasında Vorkuta-Novorossiysk sərnişin qatarının 9 vaqonu relsdən çıxaraq aşıb.
AYNA xəbər verir ki, bu barədə Rusiya Nəqliyyat üzrə İstintaq Komitəsinin Qərb Regionlararası İstintaq İdarəsi məlumat yayıb.
Hadisə nəticəsində ölən olmayıb.
“Ümumilikdə, qatar 232 sərnişini daşıyan 14 vaqondan ibarət olub, ilkin məlumata görə, hadisə nəticəsində ölən olmayıb”, - deyə xəbərdə vurğulanıb.
İdarə hadisə nəticəsində 70 nəfərin yaralandığını qeyd edib.