Şübhəli bilinən əsgərin planlaşdırılan xarici əməliyyatın iştirakçısı olduğuna dair heç bir sübut yoxdur
ABŞ müstəntiqləri Pentaqonun məxfi materiallarını sızdırmaqda şübhəli bilinən ABŞ əsgəri Cek Teyşeyranın hər hansı xarici şəxs və ya hökumətlə əlaqəsi olub-olmadığını araşdırır. AYNA xəbər verir ki, bu barədə “Politico” istintaqa yaxın olan mənbələrinə istinadən yazıb.
Mənbələr qeyd edir ki, Ağ Ev və hüquq-mühafizə orqanları Teyşeyranın şəbəkəyə gizli kəşfiyyat məlumatlarının sızdırılmasının arxasındakı motivləri və məqsədləri aydınlaşdırmaq üçün hər hansı xarici əlaqəsinin olub-olmamasını araşdırır.
Eyni zamanda, bu günə qədər Teyşeyranın xariclə əlaqələri olduğuna və planlaşdırılan xarici əməliyyatın iştirakçısı olduğuna dair heç bir təkzibedilməz sübut yoxdur.
“Biz hələ bilmirik ki, bu gənc “Discord” serverindən kənarda kiminlə əlaqə saxlayıb və onun dostlarını təəccübləndirmək istəyindən başqa məlumat sızdırmaq niyyəti olub, yoxsa yox”, - nəşrin mənbəsi qeyd edib.
Bundan əvvəl ABŞ Silahlı Qüvvələrinin keçmiş kəşfiyyatçısı Toni Şaffer bildirib ki, təqsirləndirilən Teyşeyranın dərc edilməsində şübhəli bilindiyi belə məxfi məlumatlara çıxışı ola bilməz. Onun sözlərinə görə, bir qayda olaraq, bunun üçün xüsusi kurslardan keçməlisiniz, yalnız bundan sonra hərbçilər məxfi məlumatlara müntəzəm çıxış icazəsi alırlar.