“Kirayə ev” elanları ilə tələbələri aldadan şəxs saxlanılıb

Xəbərlər

28.09.2022 - 05:36

Bayram Məmmədov saxlanılaraq məsuliyyətə cəlb edilib

Bakıda “kirayə ev” adı altında vətəndaşları aldadan şəxs saxlanılıb. Bu barədə AYNA-ya DİN-in Mətbuat xidmətindən bildirilib.

Daşınmaz əmlak saytlarında “kirayə ev” adı altında elanlar yerləşdirməklə vətəndaşları kütləvi şəkildə aldadan 1993-cü il təvəllüdlü Bayram Məmmədov polis əməkdaşları tərəfindən saxlanılaraq məsuliyyətə cəlb edilib.

Araşdırmalar davam etdirilir.

“Vətəndaşlara tövsiyə edirik ki, kirayə, yaxud digər daşınmaz əmlakla bağlı elan saytlarında tanımadıqları şəxslərə onlayn ödənişlər etməsinlər”, - DİN-in məlumatında qeyd olunub.

Müəllif: Ayna.az