Xalid əl-Misslamın ölüm səbəbi bəlli deyil
Fotoqraf Xalid əl-Misslam Qətərdə keçirilən dünya çempionatını işıqlandırarkən dünyasını dəyişib. Bu, çempionatda ölən ikinci jurnalistdir.
AYNA xarici mediaya istinadən bildirir ki, əl-Misslam “Al Kass TV”nin fotomüxbiri olub. Onun ölümün səbəbi barədə məlumat verilməyib.
Qeyd edək ki, dekabrın 9-da Lusaildəki Milli Stadionda Argentina və Niderland milli komandaları arasında keçirilən dünya çempionatının 1/4 final matçında “CBS Sports” şəbəkəsində işləyən amerikalı idman jurnalisti Qrant Uol vəfat edib.