Ceyhun Bayramov: “Ermənistandan konkret addımlar gözləyirik”

Aktual

27.04.2022 - 14:02

“Azərbaycan öz ərazisində həm dəmir yolu, həm avtomobil yolu layihələrini uğurla icra edir"

“Azərbaycan öz ərazisində həm dəmir yolu, həm avtomobil yolu layihələrini uğurla icra edir”. AYNA xəbər verir ki, bunu Azərbaycanın xarici işlər naziri Ceyhun Bayramov Gürcüstanın xarici işlər naziri İliya Darçiaşvili ilə birgə mətbuat brifinqində deyib.

Nazir qeyd edib ki, Azərbaycan öz üzərinə düşən hissəsini 2023-cü ilə qədər yekunlaşdırmağı planlaşdırır: “Biz Ermənistanda da bu istiqamətdə işlərlə bağlı konkret addımlar gözləyirik. Bölgədə olan proseslər, xüsusilə Azərbaycan-Ermənistan münasibətlərinin normallaşmasından danışarkən bu, ilk növbədə Cənubi Qafqazda olan 3 ölkə üçün maraqlıdır. Gürcüstan tərəfi də bunu dəstəkləyir". 

"Eyni zamanda, Cənubi Qafqaza bizim birgə evimiz kimi baxdığımız zaman Azərbaycan-Gürcüstan əməkdaşlığı burada model kimi istifadə oluna bilər. Bu, istənilən iki qonşu ölkə üçün model rolunu oynayır. Təbii ki, Ermənistan da beynəlxalq hüququn norma və prinsiplərinə riayət etməklə beynəlxalq layihələrdə öz yerini tuta bilər”, - nazir bildirib.

Müəllif: Ayna.az