Ramafosa səlahiyyətlərini bir həftə müddətinə vitse-prezidentə həvalə edib
Cənubi Afrika Respublikasının (CAR) Prezidenti Siril Ramafosa COVID-19 virusuna yoluxub. AYNA “RİA Novosti”yə istinadən xəbər verir ki, Prezident səlahiyyətlərini bir həftə müddətinə vitse-prezident Devid Mabuzaya təhvil verib.
69 yaşlı Ramafosanın test nəticələri dekabrın 12-də müsbət çıxıb. Prezident yüngül koronavirus simptomları ilə müalicəyə cəlb edilib.
Qeyd olunur ki, ölkə başçısının səhhəti Keyptaunda keçirilən tədbirdə iştirak etdikdən sonra pisləşib.