Şarl Mişel: "Yaxın bir neçə həftədə baş verəcəklər gələcəyimizi müəyyənləşdirəcək"
Avropa İttifaqı Şurasının rəhbəri Ukraynadakı münaqişə ilə bağlı həlledici iki-üç həftə elan edib
“Ukraynadakı münaqişə dönüş nöqtəsindədir və Avropa İttifaqının (Aİ) gələcəyi yaxın iki-üç həftənin nəticəsindən asılıdır”. AYNA xarici mediaya istinadən bildirir ki, bu sözləri Avropa İttifaqı Şurasının rəhbəri Şarl Mişel deyib.
"Yaxın bir neçə həftədə baş verəcəklər gələcəyimizi müəyyənləşdirəcək", - Mişel bəyan edib.
Aİ Şurasının rəhbəri qeyd edib ki, İttifaq çox qısa müddətdə bir sıra çox mühüm qərarlar qəbul etməli olacaq: “Biz Ukraynanın tərəfində durmalı və onlara bütün lazımi dəstəyi verməliyik. Biz onları ruhdan sala bilmərik”.