“Rusiyanın maraqları ilə bağlı müzakirə aparılmalıdır”
“Qərb ölkələri Rusiyanın nöqteyi-nəzərini nəzərə almalıdır. Rusiyanın maraqları ilə bağlı müzakirə aparılmalıdır”. AYNA.AZ xəbər verir ki, bu sözləri Almaniyanın keçmiş kansleri Angela Merkel “Berliner Zeitung”a müsahibəsində deyib.
O əlavə edib ki, Rusiyanın hərəkətlərini başa düşmək diplomatlar üçün əsas vəzifədir: “Siyasətçilər bu dövlətin maraqlarını düşünməlidirlər”.
Onun fikrincə, Putin “hazırda əlində olan vasitələrlə” Avropa İttifaqını zəiflətməyə çalışır: “Rusiya hərbi doktrinasının bir hissəsi isə digər ölkələri zəiflətməkdir”.
“Onun başqa ölkəyə hücum etmək üçün heç bir əsası yoxdur. Lakin Rusiyanın maraqlarını müzakirə etmək mütləq lazımdır”, - deyə keçmiş kansler bildirib.
Bundan əlavə, Merkel qeyd edib ki, Rusiya çox böyük resursa malik güclü ölkədir: “Bu, Amerika lideri Donald Trampı maraqlandırır”.
Merkel həmçinin Tramp və Ukrayna Prezidenti Volodimir Zelenski arasında Ağ Evdə keçirilən görüşü tənqid edib.