Baş Prokurorluq hadisə ilə bağlı məlumat yayıb
Abşeron rayonunda 3 nəfər dəm qazından boğularaq ölüb. Bu barədə AYNA-ya Baş Prokurorluğun Mətbuat Xidmətindən bildirilib.
Qeyd edilib ki, ötən gün Abşeron rayonu ərazisində 1965-ci il təvəllüdlü Gülağa Əliyev, 1966-cı il təvəllüdlü Akif Nərimanov və 1981-ci il təvəllüdlü Elşən Alışovun kirayə yaşadıqları evdə dəm qazından zəhərlənərək ölmələri müəyyən olunub. Faktla bağlı Abşeron rayon prokurorluğunda araşdırma aparılır.