Toy karvanında avtoxuliqanlıq edən şəxs saxlanılıb

Xəbərlər

09.01.2022 - 14:22

Həkimlər Klinikalar SEO Xidməti

Məhkəmənin qərarı ilə sürücü 500 manat məbləğində cərimə edilib

Astarada toy karvanında avtoxuliqanlıq edən şəxs saxlanılıb. Bu barədə AYNA-ya Daxili İşlər Nazirliyinin (DİN) Mətbuat Xidmətinin Lənkəran regional qrupundan bildirilib.

Qeyd edilib ki, Astara Rayon Polis Şöbəsinin Dövlət Yol Polisi Bölməsinin əməkdaşları tərəfindən toy karvanında avtoxuliqanlıq edərək yol hərəkəti qaydalarını kobud şəkildə pozan, digər yol hərəkəti iştirakçılarına ciddi təhlükə yaradan şəxs saxlanılaraq barəsində qanunvericiliyə uyğun tədbirlər görülüb.

Onun Astara şəhər sakini Mahir Nurəlizadə olduğu müəyyən edilib. O, sürücülük hüququ olmadan idarə etdiyi “VAZ 21065” markalı avtomobillə Astara şəhəri ərazisində avtoxuliqanlıq hərəkətləri edərək təhlükəli manevrlər etməklə yol hərəkəti qaydalarını kobud şəkildə pozub. Həmin şəxs barəsində inzibati qaydada protokol tərtib olunaraq baxılması üçün Astara Rayon Məhkəməsinə göndərilib.

Məhkəmənin qərarı ilə M.Nurəlizadə 500 manat məbləğində cərimə edilib.

Müəllif: Ayna.az

Pin up casino Pin-up casino giriş