Zaxarova: “Alman nazir birmənalı olaraq Rusiya rəhbərliyini sıradan çıxarmaq istəyinə eyham vurub”
“Almaniyanın müdafiə naziri Boris Pistoriusun Rusiya Prezidenti Vladimir Putin olmadan dünyanın daha yaxşı olacağına dair sözləri qəbuledilməzdir”. AYNA TASS-a istinadən xəbər verir ki, bu sözləri Rusiya Xarici İşlər Nazirliyinin rəsmi nümayəndəsi Mariya Zaxarova deyib.
Zaxarova qeyd edib ki, alman nazir birmənalı olaraq Rusiya rəhbərliyini sıradan çıxarmaq istəyinə eyham vurub: “Beynəlxalq birliyin üzvü olan hər hansı bir ölkənin rəsmiləri üçün belə bir bəyanat qətiyyən qəbuledilməzdir. Bu, uydurulmuş bir ölkə və ya qüllələr sektası deyil, bu, rəsmi dövlətdir, BMT-nin üzvüdür".