Rusiya ordusu dinc sakinlərin sığındığı məktəbi bombalayıb

Dünya

08.05.2022 - 06:47

Faciə baş verən zaman məktəbdə təxminən 90 nəfər olub

Rusiya ordusu Ukraynanın Luqansk vilayətinin Beloqorovka kəndində içərisində 90 dinc sakin olan məktəbə bomba atıb. AYNA xəbər verir ki, bu barədə Luqansk Hərbi Administrasiyasının rəhbəri Serqey Qayday teleqramda məlumat verib. Onun sözlərinə görə, yerli sakinlər əvvəl Mədəniyyət evində gizlənirdilər: “Lakin ev də dağıldıqdan sonra insanlar məktəbin binasında gizlənirdilər. Faciə baş verən zaman məktəbdə təxminən 90 nəfər olub. Artıq 30-a yaxın insan dağıntılar altından çıxarılıb. Axtarış-xilasetmə işləri davam edir”.

Müəllif: Ayna.az