Nazirlik yayılan məlumatların reallığa uyğun olmadığını açıqlayıb
Qazaxıstan Səhiyyə Nazirliyi respublikada iğtişaşlar zamanı həlak olan 164 nəfər haqqında məlumatı təkzib edib.
AYNA xarici mediaya istinadən bildirir ki, nazirlik bu məlumatları vermədiklərini, yayılan məlumatların reallığa uyğun olmadığını açıqlayıb.
Öz növbəsində, Qazaxıstanın İnformasiya və Sosial İnkişaf Nazirliyi qurbanların sayı barədə məlumatın texniki səhv olduğu haqqında məlumat yayıb.
Qeyd edək ki, dünən Səhiyyə Nazirliyi adından yayılan məlumatda qeyd edilmişdi ki, ölkədə iğtişaşlar zamanı 164 nəfər həlak olub.