“Məsələ bundadır ki, o, idealizmə əsaslanacaq, yoxsa qaranlıq, reqressiv qüvvələr tərəfindən həyata keçiriləcək?”
ABŞ Prezidenti postuna namizəd kiçik Robert Kennedi ölkədə inqilabın olacağını bildirib. AYNA xəbər verir ki, bu barədə o, “X” sosial şəbəkəsində yazıb.
Kiçik Kennedi Birləşmiş Ştatlarda inqilab olacağını proqnozlaşdırıb və seçimin ölkə xalqının ixtiyarında olduğunu vurğulayıb.
“Məsələ bundadır ki, o, idealizmə əsaslanacaq, yoxsa qaranlıq, reqressiv qüvvələr tərəfindən həyata keçiriləcək? Seçim bizimdir”, Kennedi qeyd edib.
Bundan əvvəl kiçik Kennedi ABŞ-ın keçmiş Prezidenti Donald Trampa sui-qəsddən sonra amerikalıları birləşməyə çağırıb. O, həmçinin ölkənin keçmiş liderinin ailəsi üçün dua etməyi təklif edib.