Karantindəki tələbələrimizdən təsirli addım - FOTOLAR

Karantindəki tələbələrimizdən təsirli addım -         FOTOLAR

Karantində qalan vətəndaşlar həkimləri görünməyən qəhrəman adlandırırlar

 

Koronavirus pandemiyasına görə İtaliya, Türkiyə və digər ölkələrdən təxliyyə olunan vətəndaşlar, xüsusən tələbələr karantində onlara xidmət edən dövlət qurumlarının əməkdaşlarına fərqli formada təşəkkür ediblər.

 

AYNA bildirir ki, TƏBİB-in verdiyi xəbərə görə, onlar müxtəlif kağızlara təşəkkür qeydi yazaraq “görünməyənqəhrəmanlar” həştəqi ilə heyətə öz minnətdarlıqlarını bildiriblər. 

 

Xidmət heyəti xüsusi tibbi geyimdə olduqları üçün onların üzünü görmək, tanımaq mümkün deyil. Buna görə də karantində qalan vətəndaşlar həmin şəxsləri görünməyən qəhrəman adlandırırlar.

 

Onlar təcrid şəraitində olduqları üçün təşəkkürlərini yara bantları və müxtəlif əşyaların üzərindən qopardıqları yapışqanlı etiketlərlə qapıya yapışdırıblar. 

 

Sözügedən gözəgörünməz qəhrəmanlar isə Daxili İşlər Nazirliyi, Fövqəladə Hallar Nazirliyi, TƏBİB-in əməkdaşlarıdır.

Müəllif: Ayna.az      20 Mart 2020 19:28
Cəmiyyət bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin