Əsas səhifə Haqqımızda Xəbər lenti

Tovuzda toyda iştirak edənlər saxlanılıblar

Tovuzda toyda iştirak edənlər saxlanılıblar

Üç nəfər saxlanılan şəxs 200 manat cərimələnib

 

Tovuz rayonunda toy mərasiminin keçirilməsinin qarşısı alınıb. Daxili İşlər Nazirliyinin (DİN) Mətbuat Xidmətinin Gəncə regional qrupundan AYNA-ya verilən məlumata görə Tovuz Rayon Polis Şöbəsinə (RPŞ) rayonun Xatınlı kəndində toy mərasiminin keçiriləcəyi barədə məlumat daxil olub.

 

Polis əməkdaşlarının keçirdiyi müvafiq tədbirlərlə mərasimin keçirilməsinin qarşısı alınıb, iştirakçılar barəsində qanunvericiliyə uyğun tədbir görülüb.

 

Sanitar-epidemioloji normaları pozan şəxslərlə profilaktik söhbətlər aparılaraq onlara xüsusi karantin rejim qaydaları izah olunub, üç nəfər saxlanılan şəxs barəsində İnzibati Xətalar Məcəlləsinin 211-ci maddəsi (Epidemiya əleyhinə rejimin, sanitariya-gigiyena və karantin rejimlərinin pozulması) ilə protokol tərtib edilərək 200 manat miqdarında cərimə edilib.

Müəllif: Ayna.az      7 Aprel 2021 17:34
Xəbərlər bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin