Əsas səhifə Haqqımızda Xəbər lenti

Kürün aşağı axınında müsbət dəyişiklik

Kürün aşağı axınında müsbət dəyişiklik

Yağıntı çayın aşağı axınında səviyyənin artması ilə nəticələnib

 

Kür çayının aşağı axınında müsbət tendensiya müşahidə edilir. Milli Hidrometeorologiya Xidmətindən AYNA-ya verilən məlumata görə, əsasən avqust ayının üçüncü ongünlüyündə yağıntıların aylıq normadan çox olması Kür çayının aşağı axınında səviyyənin artması ilə nəticələnib.

 

Belə ki, avqustun 23-dən 26-dək səviyyə Kür-Surrada 140 sm, avqustun 25-dən 28-dək Şirvanda 146 sm, avqustun 24-dən 28-dək Salyanda isə 143 sm artıb.

 

Salyan və Neftçala rayonları ərazisində Kür çayı üzrə 14 məntəqədən götürülən su nümunələrinin analizi göstərir ki Salyan rayonu ərazisində Qaraqaşlı məntəqəsində, Neftçala rayonu ərazisində Xocalı, Ərəbqardaşbəyli, Surra, Kürqarabucaq, Qaralı, Dördlər, Xıllı, Qaravəlli, Uzunbabalı, Seyidlər, Bankə qəsəbəsi, Oryad və Mayak məntəqələrində duzluluq 0.5-0,9 q/l, yəni norma daxilində olub.

Müəllif: Ayna.az      30 Avqust 2020 22:06
Aktual bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin