İyulun 20-də "Dalğa Arena"da oynanılacaq matç saat 18:00-da başlayacaq
Bakıda təlim-məşq toplanışını davam etdirən Gəncənin "Kəpəz" futbol klubu daha bir yoxlama oyunu keçirəcək.
AYNA klubun Mətbuat Xidmətinə istinadən xəbər verir ki, Gəncə təmsilçisi "Şamaxı" ilə qarşılaşacaq. İyulun 20-də "Dalğa Arena"da oynanılacaq matç saat 18:00-da başlayacaq.
"Kəpəz" daha əvvəl "Sumqayıt" və "Səbail" ilə yoxlama oyunu keçirib. Komanda "Səbail"ə 1:3, "Sumqayıt"a isə 2:3 hesabı ilə uduzub.
Xatırladaq ki, "Kəpəz" yeni mövsümdən Azərbaycan Premyer Liqasında mübarizə aparacaq.