“Bizim borcumuz Gürcüstan tarixinə və dini və milli kimliyimizi qoruyub saxlayan bütün şərəfli qəhrəmanlara ehtiram göstərməkdir"
Gürcüstanın Baş naziri İrakli Kobaxidze hökumətin iclasında bildirib ki, Nazirlər Kabineti onun təşəbbüsü ilə Kartli-Kaxetiya (Şərqi Gürcüstan) kralı - II İrakli Baqrat (1720-1798) üçün Kaxeti üzərində yeni abidə ucaltmaq qərarına gəlib. AYNA gürcü mediasına istinadən bildirir ki, heykəl Tbilisidə, Daxili İşlər Nazirliyinin binasına yaxın məsafədə olacaq.
1783-cü ildə çar Gürcüstanla Rusiya imperiyası arasında Georgiyevsk müqaviləsini imzalayıb.
“Bizim borcumuz Gürcüstan tarixinə və dini və milli kimliyimizi qoruyub saxlayan bütün şərəfli qəhrəmanlara ehtiram göstərməkdir", - Baş nazir bildirib.
Onun sözlərinə görə, məhz bu baxımdan II İrakli Baqrat “gözəl milli qəhrəmandır”.
Hökumət başçısı aydınlaşdırıb ki, II Ereklenin abidəsi heykəltəraş Merab Merabişvilinin eskizləri əsasında hazırlanacaq. Yəni ki, hakimiyyət nümayəndələrinə abidənin ucaldılması üçün hazırlıqlar kifayət qədər çoxdan başlayıb və bu, Gürcüstanda İrakli Baqratın ikinci abidəsi olacaq. Birincisi hələ sovet dövründə onun doğulduğu Telavi şəhərində, Kaxetinin mərkəzində quraşdırılıb.
II İrakli Gürcüstan tarixinin ən mübahisəli simalarından biri hesab olunur. 1783-cü il Georgiyevsk müqaviləsi formal olaraq Şərqi Gürcüstanda hakimiyyətdə Baqratın sülaləsinin saxlanmasını, habelə Rusiya imperiyasından hərbi müdafiəni nəzərdə tuturdu.
1801-ci ildə Georgiyevsk müqaviləsinin müddəalarına baxmayaraq, gürcü krallığı imperator I Pavelin manifestinə əsasən tamamilə ləğv edildi. Yerli tarixçilər və siyasətçilər hesab edirlər ki, Georgiyevsk müqaviləsi gürcü dövlətçiliyinin ləğvi üçün ilkin şərt oldu.