Baş Prokurorluq hadisə barədə məlumat yayıb
Baş Prokurorluq Gəncədə baş verən qətl hadisəsi barədə məlumat yayıb. Qurumdan AYNA-ya bildirilib ki, Gəncə şəhəri ərazisində üzərində xəsarətlər olan qadın meyitinin aşkar olunması barədə prokurorluğa məlumat daxil olub.
İlkin araşdırma zamanı zərərçəkmiş şəxsin 1980-ci il təvəllüdlü Yeganə Hümbətova olması müəyyən edilib.
Faktla bağlı Gəncə Şəhər Prokurorluğunda Cinayət Məcəlləsinin 120.1-ci maddəsi ilə cinayət işi başlanıb.
“Təfərrüatlar barədə əlavə məlumat veriləcək”, - deyə Baş Prokurorluğun məlumatında vurğulanıb.