İsrail rəsmisi bir neçə il çəksə belə, bütün HƏMAS üzvlərinin məhv ediləcəyini söyləyib
İsrail Fələstinin radikal HƏMAS hərəkatının dünyadakı bütün üzvlərini məhv etmək qərarı verib. AYNA “Times of Israel”ə istinadən xəbər verir ki, bu barədə İsrailin Baş Təhlükəsizlik Xidmətinin rəhbəri Ronen Bar deyib.
Bar xatırladıb ki, ölkə hakimiyyətinin qarşısına qoyduğu məqsəd var: “Və biz bunu etmək niyyətindəyik. Hər yerdə - Qəzza zolağında, İordan çayının qərb sahilində, Livanda, Türkiyədə və Qətərdə, digər yerlərdəki HƏMAS üzvləri məhv edilməlidir”.
İsrail rəsmisi bir neçə il çəksə belə, bütün HƏMAS üzvlərinin məhv ediləcəyini söyləyib.
Bundan əlavə, ölkənin əks-kəşfiyyatının rəhbəri oktyabrın 7-də HƏMAS-ın hücumu ərəfəsində kəşfiyyat xidmətinin uğursuzluğunu etiraf edib, lakin deyib ki, səhvlərindən nəticə çıxarıb.