“Hadisə zamanı İndoneziya vətəndaşları xəsarət almayıb”
İndoneziyanın Suriyanın paytaxtı Dəməşqdəki səfirliyi atəşə tutulub. AYNA TASS-a istinadən xəbər verir ki, bunu İndoneziya Xarici İşlər Nazirliyinin (XİN) Vətəndaşların Müdafiəsi Departamentinin direktoru Cudha Nuqraha deyib.
“Hadisə zamanı İndoneziya vətəndaşları xəsarət almayıb”, - deyə Nuqraha bildirib.
Onun sözlərinə görə, atışma təsadüfi olub.
Qeyd edək ki, hazırda Suriyada mindən çox indoneziyalı yaşayır. Onlardan 19-u sığınacaq tələbi ilə səfirliklə əlaqə saxlayıb.
Səfirlik Suriyada qarşıdurmanın kəskinləşməsi fonunda ən yüksək həyacan siqnalı verib. İndoneziyalılara ərəb ölkəsi daxilində səyahət etməkdən çəkinmələri tövsiyə olunub.